ՎԱԼ Հիմնադրամի անցյալ մեկ տարվա ընթացքում իրականացրած բուռն գործունեությունն ամենևին չի նշանակում որ մեր կիրառած ջանքերով կարելի է բավարարվել։ Լուծման անհրաժեշտություն ունեցող խնդիրների թիվն անվերջ է։ Բայց այդ թվից մենք ընտրել ենք հետևյալները՝ Ձեր անմիջական օգնությամբ լուծելու համար։
Սյունիքի մարզպետարանի օժանդակությամբ Հիմադրամին անհատույց հիմունքներով տրամադրվել է Գորիսի ամբուլատորիայի շենքը, ուսումնամարզական կենրոն կազմակերպելու համար։ AAIP Ֆրանսիական բարեգործական հիմնադրամի կողմից ուղարկվել են ամբուլատոր մեքենաներ, Meditraining և Hay Asso Հիմնադրամների կողմից տրամադրվել են որոշակի քանակությամբ բժշկական պարագաներ և գույք։ Հիմնական ֆինանսավորումն իրականացվում է SYUN ԱՄՆ Հիմնադրամի կողմից։
Հաշվի առնելով, որ բնակչության ամենախոցելի և անօգնական խմբերից մեկը երեխաներն են, ՎԱԼ Հիմնադրամը առաջին օգնության դասընթացները կազմակերպելիս, որոշել է հատկապես դպրոցների մանկավարժական կոլեկտիվներին այս դասընթացները հասանելի դարձնել։ Այս տարվա ընթացքում ծրագրվում է Սյունիքի մարզի շուրջ 40 դպրոցների կոլեկտիվների համար այս դասընթացները կազմակերպել։
Հունվարի 29,30-ին մենք և «Սիլվի Մորեթի և Ժան Լյուկ Մեսեջեր» հումանիտար նախաձեռնությունը Գորիսի անվտանգության խորհուրդ նախաձեռնության անդամների և մի շարք ակտիվ քաղաքացիների համար անցկացրեցինք «Առաջին օգնություն» դասընթացը: Դասընթացի ժամանակ մասնակիցները ստացան նաև «НАШЕ ДЕЛО» բարեգործական հիմնադրամի կողմից տրամադրված փաթեթները՝ համալրված անհրաժեշտ պարագաներով